შენი სიზმრების მაწანწალა პოეტი მქვია,
შენი სიზმრები წანწალებენ ჩემს სარეცელში,
შენი ტუჩების ეთერზეთი, ისე ვით ღვია
მომეკიდება.
განი ცადე და ეცადე და გამეცადინებ,
ღამე ცად ინებ ნაცადია ღამე მნებდები,
ღამე-ალფაა, ლექსი-ბეტა, გამა-ოდინი,
დელტა ინებე.
დროა-ეფსილონ, მთვარე-ძეტა, თეტა, იოტა,
ეტა გამომრჩა, ეტნის ყელთან, მიმქრალ ლავაზე,
კაპა-კაპასი, ლამბდა-ლამბადა, თუნდაც იოტით
ვერ მეურჩები.
მიუ-მიუვალ ბილიკს ჰგავხარ რივიერაზე,
ნიუ-შიშველი, ავხორცი და მზეზე ლამაზი,
ქსი, ომიკრონი, პი, რო, სიგმა, თეთრი ავაზა-
განაყუჩები.
ფი-ჭვი, ხი-რიმი, ტაუ, ჩემო, ოშკი, ტაოა,
სტიგმა და ქოპა, დიგამა და ღამე მომაგე...
სანი-საბანი, ერთად ყოფნა უსათუოა:
ალფა-ომეგა.