 | ავტორი: ნია მორი
ჟანრი: პოეზია
18 დეკემბერი, 2008 |
მერე რა,
რომ ამდენი ჟანგიანი გასაღებიდან
ვერც ერთი ვერ მოვარგე
მთვარეს
და
საკუთარი თავიც -
ძველი ნესტიანი ზანდუკი -
ცხრალუქდასარქველდადებული
არასოდეს იხსნება
წყალში.
ხომ ხედავ
ამდენი წვიმიანი ამინდიდან
ერთიც ვერ ავირჩიე
და
ახლა,
როდესაც
მუქი ჟოლოსფერი სივრცე მისაფრდება
პაპარაცივით
ვბაძავ
ერთადერთი
შავ-თეთრი სვირინგით -
მარცხენა ძუძუსთავთან
BLOOD.
ცუდი კალიგრაფია მქონია მაშინაც,
მართალი ხარ.
ბლანტია ჰაერი
მოდი,
გადავეშვათ...
სხვა დელტაპლანებით
წავიდა სიკვდილი
სკანერზე...
მოდი,
გადავფრინდეთ.
ჯერ ფრთები გავცვალოთ.
| კომენტარები |
ილუსტრაციები |
რეცენზიები |
|
| მონაცემები არ არის |
|
| მონაცემები არ არის |
|
|
