ღამემ გადათელა სულწასული ფიქრი,
თბილისს სიმარტოვე არ მასვენებს ,მავსებს
ქუჩა ლაპიონებს ისევ ათრობს, ჩაგრავს
ქარი ღამეს შესთხოვს ახლა მაინც  ჩაწვდეს..

ცამდე აიშალა ყველა ქუჩა  ახლა
სხეულს მიმძიმებენ ღამის ფერი თმები
როგორ მინდა ახლა უსაშველოდ  მაღლა
შენი სულის მსგავი საოცარი მთები...

ღამე  შემიკაზმოთ რა იქნება    ვითხოვ,
მინდა    გავაქროლო  შენფერ  აისებთან
სულის სიკვდილამდე გეძებ და კვლავ გიხმობ
მინდა  მთებში დავრჩე    ბოლო მაისებთან..

ახლა ღამე    არის უფრო    ნაცრისფერი
მტკივა რაფებიდან  ღამე ვარსკვლავების
ჩემგან შორს რომ ახლა არის ყველაფერი
ჩემი  ყველაფერი ,  სურნელება  მთების...

ბწკარებს შეეყარათ გულზე რაღაც სენი
ლექსები გამიხდნენ ვხედავ უფრო ავად
როგორ მინდა ახლა განვიკურნო  შენით
უშენობის დღეებს ვუთხრა ისევ კარგად...

ღამეულ ოცნებებს რითმა აერიათ
ნაბიჯები უფრო გამალებით თვლემენ
ოღონდ ამ ღამისთვის დილა წაერთმიათ
სულში ღრიჭოები დიდხანს  გამიძლებდნენ..

ღამეს შევადნები თეთრ ღრუბლების ფონზე
იტყვიან რომ გოგო ღრუბლებს მიჰბარდაო
ქარმა გაასვენა  ვარსკვლავების ზოლზე
მას ხომ  ღამით ფრენა ძლიერ უყვარდაო...