შეთქმულებმა განზრახული შეისრულეს,
ბოროტება გაიხადეს ფიცად,
ეს რა მოსდით ცოდვისაგან შერისხულებს,
მაცხოვარი გოლგოთაზე მიჰყავთ.

დასცინიან! მაინც ღიმილს ანაწილებს,
ძმარს ასმევენ, ცილს სწამებენ ქრისტეს,
ის კი მამას ევედრება-აპატიე,
არ იციან ცოდვილნი რას იქმენ!

ბასრი ლურსმნით უხვრეტავენ ხელისგულებს,
წმინდა სისხლმა გააცოცხლა მიწა,
"ქვა რომელიც მშენებლებმა დაიწუნეს,
ამ შენობის ქვაკუთხედად იქცა!"