ამოანათა...
გულბანდიდან ამოათყათდა
იმ ციცქნა გოგოს, მოხატული წყვილი ქვირითი, -
რომელიც ახლა ისე ურცხვად გამითამამდა,
რომ აღარ ახსოვს, -კალთაში მჯდომს
თმას რომ ვწიწკნიდი
და ვახარებდი პაწაწინას წყვილი ნუგათი...
რა დრო გავიდა...
ის ბავშვობაც გაპარულა ბავშვთა ბაღიდან,
აშოლტილ წვივებს - ვერ ეწევა კაბა ფრიალა,
რომელმაც გული შიშისაგან ამიფრთხიალა...
ხელი ჯიბისკენ გავაპარე ისევ, -ნუგასთვის,
მაგრამ მზერაში შემოიჭრა შენი გულბანდი,
რომელმაც ისევ შემახსენა: -
რა დრო გასულა...
ნეტა ისევე გივარცხნიდე კალთაში თმას და,
კვლავ გისწორებდე ძველებურად მობრეცილ ბაფთას
პირგამოვსებულს წყვილი ნუგათი და
არ მაშინებდეს კანკალამდე შენი გულბანდი,
რომელიც ასე გაივსო და ამოათყათდა -
შვილო...
25. 07 2015