ხელის გულებზე დედამიწა გეტევა თითქოს,
ყოველდღე ახალ გრძნობებს ვიძენ შენთან გამხელილს,
ვიცი რომ გძინავს მშვიდი ძილით უფლის ტერფებთან
მე კიდევ დილას ვიწყებ შენი თვალის გახელით.

უცნაურია ამინდები,ოქტომბრის მარში,
ფოთლების წვიმა და მგონია თავი ზეიმზე,
მხოლოდ მე ვიცი როგორ ველი მომავალ ზაფხულს,
სანაპიროზე მე და შენ რომ გავისეირნებთ,

მერე ნაბიჯებს ,პირველ სიტყვებს დავითვლი ჩუმად,
პირველ გაქცევას,წაქცევას და იყოს ცრემლებიც,
დროდადრო დაღლილს აგიყვან და ხელშიც გაძინებ
ან შენთან ერთად ჩამეძინოს იქნებ შემთხვევით.