ირგვლივ ბურუსია, სცივათ მზეს და მიწას!
სულში მზის სხივებით ზეცა გამთბარია..
ქარი სიცივისთვის სწირავს დედამიწას.
მე კი უფრთხილდები, მათ , რაც გამაჩნია

დღეებს ერთმანეთი ნელა ენაცვლება ..
მე კი მეჩქარება სწრაფად მიცემს გული!
მინდა დაათეთროს თოვლმა ფანტაზიას,
მასზე გამომკვეთად ჩანდეს ნაფეხური ..

ჩემში ახლა უკვე სამი გული ფეთქავს!
სამჯერ უფრო ველი იასამნის სურნელს..
ეს ის დრო იქნება როცა ატმის ფურცლებს,
ცელქი გაზაფხული მიწას დააპკურებს..

ნელა შევიცვლები, გრძნობა მიმძაფრდება..
მინდა ვხატო მუზა ნაირფერი ფუნჯით!
და ეს ენერგია მინდა  ვუწულადო
ყველას,ვისაც სულში ბნელი სევდა უზის ..

ჩემში ახლა უკვე სამი გული ფეთქავს!
სარკეს ვუყურებ და ანარეკლს ვეღარ ვცნობ!
ასე ბედნიერი და იმედით სავსე
სიცოცხლის მანძილზე თავი ჯერ არ მახსოვს...

პაწუწა თითები მოეჭიდებიან
დედის ხელებს სწრაფად და იგრძნობენ სითბოს..
ჩემში ახლა უკვე სამიგული ფეთქავს!
ასე საოცარი სხვა რა უნდა იყოს?!