/ჯერ  ''მიხოსერა არჩანდას'',მერე  -დანარჩენებს გილოცავთ ახალ წელს!/

სადღეგრძელოს მოგაგებებ,
თასში ღვინო ჩამისხია.
ლხინს რად უნდა დიდი ხარჯი,
საქმე ლხინის ხარისხია.
ერთი პური,ზედ - მარილი,
მადლის აღარ დახანება,
და თამადას შექცევისა
მოუცია რახან ნება,
ზოგჯერ ხსოვნით დანაღვლება,
ზოგჯერ - გადახარ-ხარება.
რაც გითხარი სალაღობო,
ამ იგავით მოგითხარო,
სუ ღიმილი მომაგებე,
როცა გკითხო,როგო ხარო,
ეგრე გასწი ეგ ჭაპანი,
ქედი არვის მოუხარო,
არ მოგაკლდეს ხარის ძალა,
მტერს რო ხარო გაუთხარო,
ძველ წელს -შენი ყველა დარდი,
საჭოჭმანო- საწუხარო,
იცოცხლე და გაიხარე,
რო ეს გული გაახარო!