როგორ ცხელა არა?
-უჰ,მაგრად ბიჭო.ეს მიწაც რა ქვიანი გამოდგა..
-მიდი წერაქვი მომაწოდე.მერე დაიბანე ხელები და შეჭამე რამე,დილიდან მშიერი ხარ.
ამირანმა მიაწოდა წერაქვი მეგობარს და იქვე ქვაზე ჩამოჯდა.პატარა ბოთლში,ცოტა წყალი ესხა.გადაიბანა ხელები და გაზეთში გახვეული ქადა ამოიღო.როდესაც პირველი ლუკმით სიამოვნება მიიღო დავითს გასძახა..
-ნეტავ როგორი ამინდი იქნება ხვალ ჰა?
-იწვიმებს წესით..
-არამგონია.ხო ხედავ რა ამინდია დღეს.
-ისეთი კაცი წავიდა,არ გამიკვირდება ცა რომ დაიქცეს მეგობარო.
სინანულით თქვა დავითმა და ძლიერად დაარტყა წერაქვი მიწას.
-ეჰ დაგვაცადოს მაინც ნეტა თუ იწვიმებს..
მეორე დღეს დილიდან დააასველა მიწა წვიმის წვეთებმა.სასაფლაომ კი ქუდად შავი ღრუბელი დაიფარა.