ერთხელ,
ღამის სამ საათზე,
ისე გავიარე სახლამდე ქუჩა
სიგარეტი არ მომიწევია,
არც ტაქსით წასვლა მომნდომებია,
არც წარსული გამხსენებია,
სახლიდანაც არ დაურეკავთ,
ნაცნობიც არ შემხვედრია,
არც შემცივნია
და შენზეც არ მიფიქრია...
ეხლა რომ ვფიქრობ ვხვდები,
რომ მაშინ არც სიგარეტი მქონდა,
არც ფული,
არც შეცდომები,
არც სახლში მელოდნენ,
არც გარეთ
და არც შენ არ მყავდი...
თბილი ქურთუკი მეცვა და
ყველაფერი ისე იყო როგორც უნდა ყოფილიყო...